რთულია წარმოიდგინო სამყარო საბავშვო წიგნების გარეშე. საბავშვო ლიტერატურამ საუკუნეების წინ შექმნა დროის მანქანა. მწერლებმა ყველაზე ლამაზი მოგონებები დაგვტოვეს.
ყველაზე მნიშვნელოვანი, რაც წიგნის წაკითხვის სურვილს გვიძლიერებს არის ემოცია, რომლებსაც გვიზიარებენ მშობლები, მეგობრები ან მასწავლებლები. არ არსებობს ყველასთვის უნივერსალური ისტორია, არსებობს ინდივიდუალური შეგრძნებები, რომლებსაც ვიღებთ პერსონაჟებისგან და ამბებისგან.
- მარკ ტვენი „ტომ სოიერის თავგადასავალი“ „ჰაკლბერი ფინის თავგადასავალი“
მარკ ტვენმა არა მარტო კომპიუტერულ თამაშებს მომწყვიტა და კითხვა დაგვაწყებინა, არამედ თავგადასავლის ძიების წყურვილი გაგვიჩინა. .ჰაკმა დაგვანახა როგორი უნდა იყო, როგორც ყველაზე ერთგული მეგობარი.
- ანტუან დე სანტ-ეგზიუპერი „პატარა უფლისწული“
ეგზიუპერისგან ყველამ მუდმივი და დაუსრულებელი ბავშვობა მივიღეთ. წარმოუდგენელი ოსტატობით მწერლმა პატარა წიგნში შეგვახვედრა ყველა ტიპის ადამიანს, რომლებსაც ცხოვრების განმავლობაში შევხვდებით, ჩვენ უკვე გავხდით გამოცდილები და ყველაზე მთავარი, წიგნის წაკითხვის შემდეგ დავიწყეთ ზრუნვა, მუდმივი ფიქრი როგორც საყვარელ ადამიანებზე, ასევე გარემოზე, სადაც ვცხოვრობთ.
- ასტრიდ ლინდგრენი, „ძმები ლომგულები“
ასტრიდ ლინდგრენს „ვიმბერბიუელი სელმა ლაგერლოფის“ სახელით იცნობენ და საბავშვო ლიტერატურაში ალბათ ყველაზე გამორჩეული ადგილი უჭირავს. . გარდა ახალი ემოციებსა და კარგი წერის სტილისა, ასტრიდი შეუდარებელ თავგადასავალს სთავაზობს ბავშვებს.
- ანა ვესტლი „ დედა, მამა, რვა ბავშვი და საბარგო მანქანა“
სკანდინავიასთან მთელი მსოფლიო ვალში ვართ ლინდგრენის და ანა ვესლის არსებობისთვის. „დედა, მამა , რვა ბავშვი და საბარგო მანქანა“ წიგნი ყველაზე მდიდარ ბავშვებზე მსოფლიოში, რომლებსაც ერთი საბარგო მანქანა არჩენს. ალბათ ყველაზე მსუნაგ ბავშვსაც კი წიგნის წაკითხვის შემდეგ მხოლოდ მარენის, მარტინის, მარტას, მადსის, მონას, მილის, მინასა და წრიპასი შეშურდებოდა.ყველაზე ზარმაც ადამიანს კი ის დაეზარება, რომ მათ სითბოს და სიყვარულს გაექცეს.
- ჯოან კეტრინ როულინგი “ჰარი პოტერი”
ჯოან როულინგმა უამრავ ადამიანს დაუვიწყარი , ფანტასტიკური და ჯადოსნური ბავშვობა აჩუქა. შექმნა იმდენად მრავალფეროვანი და განსხვავებული პერსონაჟები, რომ დღესაც, როცა უკვე გვონია რომ გავიზარდეთ, დაუსრულებელი თემაა მათი განხილვა და შედარება საკუთარ თავთან. როულინგმა შეგვიქმნა მეგობრები, ნადმვილი მეგობრები, ამიტომ წიგნი ჯადოქრებზე იმდენად რეალურია, მართლა ელოდები წერილს ჰოგვორსტიდან. ისტორია ჩვეულებრივ ბავშვებზე, რომლებიც იქცნენ გმირებად, ყველა ადამიანს აგრძნობინებს თავს განსაკუთრებულად.
გენიალურად და მარტივად დაწერილი წიგნების სია უსასრულოდ შეიძლება გაგრძელდეს, თუკი ერთი ბავშვის საყვარელი მეზღაპრე ანდერსენია, მეორესი შარლ პერო და მესამესი ლუის კეროლი, ესეიგი სამივემ სხვადასხვა ისტორიაში წარმოიდგინა თავისი თავი. ამიტომ ,ვფიქრობთ, რომ სწორედ საკუთარი განსაკუთრებულობის და უნიკალურობის შესაბამისად უნდა შეირჩეს წიგნი და მწერალი, რომელიც შექმნის ბავშვობას.
კომენტარები: