ვის გენებს იღებს ბავშვი სინამდვილეში, სიმსუქნისადმი მიდრეკილებასა და სიმაღლის განსაზღვრისთვის?

ბავშვის სიმსუქნისადმი მიდრეკილება, ან პირიქით, კარგი ტანადობა, მემკვიდრეობით გადადის. ზოგიერთ ადამიანში წონა და წელის სიგანე 25%-ით განპირობებულია გენეტიკურად, დანარჩენ შემთხვევებში ეს მაჩვენებელი 40%-ია, ხოლო იმ ადამიანებში, რომლებიც სიმსუქნით იტანჯებიან, ეს მაჩვენებელი 80%-ს აღწევს და ამ დროს წონაში დაკლება ძალიან რთულია. თუმცა, გონივრულად ვარჯიში და კვება შედეგს ყოველთვის იძლევა.

სიგამხდრისკენ ან სიმსუქნისკენ მიდრეკილება ორივე მშობლისგან ერთნაირად გადადის. ამასთან, ტანადობისკენ მიდრეკილება უფრო ნაკლები ხარისხით გადაეცემა, ვიდრე სიმსუქნისადმი მიდრეკილება.

თუმცა, დაბადების მომენტში ბავშვის წონაზე მხოლოდ დედაა პასუხისმგებელი. თუ დედა გამხდარია, რა მსუქანიც არ უნდა იყოს მამა, ბავშვი მსუქანი არ იბადება და პირიქით, როცა დედა სიმსუქნით იტანჯება, ბავშვი შესაძლოა “სათადარიგო კილოგრამებით” დაიბადოს.

ბავშვის სიმაღლეს უმეტესწილად მამა განსაზღვრავს. მაღალი მამაკაცის შვილებიც სიმაღლით გამოირჩევიან. საერთო ჯამში, ბავშვი სიმაღლის 60-80% მამის ან დედის გენებითაა განპირობებული, დანარჩენი კვებაზე, ცხოვრების წესსა და ჯანმრთელობაზე მოდის.

არსებობს ორი ფორმულა ბავშვის სიმაღლის გამოსათვლელად:

1) თუ ბიჭი გყავთ, დედის სიმაღლეს დაუმატეთ მამის სიმაღლე და დაუმატეთ კიდევ 13 სმ. გაყავით მიღებული სიმაღლე 2-ზე და მიიღებთ სავარაუდო შედეგს.

თუ გოგო გყავთ, შეკრიბეთ მშობლების სიმაღლე, გამოაკელით 13 და გაყავით2-ზე.

2)ჩაიწერეთ გოგონას სიმაღლე 18 თვის ასაკში, ბიჭისა კი 2 წლის ასაკში და და გამრავლეთ 2-ზე. მიღებული შედეგი იქნება ბავშვის სავარაუდო სიმაღლე ზრდასრულ ასაკში.