“ვიყოთ აქტიური დედები, მოკლედ, გოგოებო, წინ! ჩვენი ოცნებების ასრულებისკენ” -ანუკი არეშიძის მიმართვა გულშემატკივრებს

თბილისის მოდის კვირეულის ფარგლებში, დიზაინერმა ანუკი არეშიძემ 2020 წლის გაზაფხული-ზაფხულის კოლექციის ჩვენება გამართა.

კოლექციაზე უფრო მეტი ყურადღება ანუკის შვილებმა დაიმსახურეს. დასკვნით ფაზაში ანუკი პოდიუმზე ოთხივე შვილთან ერთად გამოჩნდა. საზოგადოებაში დედისა და შვილების ერთად დანახვას აღფრთოვანება და დადებითი კომენტარები მოჰყვა.

ანუკიმ ”ინსტაგრამზე” გულშემატკივრებს მადლობა გადაუხადა და ქალებს მიმართა:

”ყველას უღრმესი მადლობა მობრძანებისთვის, უდიდესი შრომა ჩავდეთ მეც და ჩემმა გუნდმაც და მინდა მადლიერება გამოვხატო თითოეული მათგანის მიმართ.

პ.ს. ბოლოს ეს ოთხი ბიჭი,ჩემი უდიდესი სტიმულია ცხოვრებაში, ვიყო ჩემი საქმის მიმართ ერთგული და თავდადებული, ასევე ერთგვარი გზავნილია, რომ შეგვიძლია ვაკეთოთ ჩვენი საქმე და ამავდროულად, ვიყოთ აქტიური დედები, მოკლედ, გოგოებო, წინ! ჩვენი ოცნებების ასრულებისკენ”, – წერს ანუკი.