შიკ ბებემ დედის დღესთან დაკავშირებით კონკურსი დაიწყო.
კონკურსის ფარგლებში, პოსტის კომენტარში უნდა მიწეროთ დედაზე რაიმე, ორიგინალური, გულწრფელი, საინტერესო. გამოაგზავნოთ ფოტო, თქვენი ან შვილ(ებ)თან ერთად. გამარჯვებულებისთვის საჩუქრად ბრიტანული მსოფლიო ბრენდი – დელფი კოსმეტიკის ვაუჩერები და კოსმეტიკა გახლავთ.
კონკურსი მოქმედებს ნებისმიერი ასაკის მონაწილეებისთვის. მთავარია გულით მიუძღვნათ..
ნინო ზამბახიძის წერილი დედას:
დღეს შენი დღეა დედა. თუმცა ეს ერთი დღე როგორ ეყოფა ამ სიყვარულს, ამ მოფერებას? ეს ერთი 3 მარტი როგორ დაგიტევს დედა? არა! ეს დღეც შენია და ყველა დღე შენია, რადგან შენს სიყვარულს სხვა ფერი აქვს დე, შენს ნამღერ ნანას მირონი სდის დედი.
შენ ხარ ყველა სიმაღლეზე მაღალი, შენ ხარ ყველა სიყვარულზე მეტი…
რამდენი დედაცაა, იმდენი ლამაზი დღეა. ვინ თქვას ისეთი, დედას რომ შეეფერება? მაგრამ მე მაინც ვიტყვი ჩემს მოკრძალებულ სათქმელს და
მოვეფერები დედას. ვულოცავ ყველა დედას გაზაფხულის ამ უმშვენიერეს დღეს. გაზაფხულიც ხომ დედას მოჰყავს, გაზაფხულიც ხომ დედითაა დამთბარი. ყველა დედაში ხომ მისი წილი გმირობაა.
…ველად რომ იებია, ისინიც ამ დღის მოსალოცად ამოსულა დე…
ისინიც თავს გიხრიან, ისინიც გიღიმიან. დედის უღალატო გულს იებიც უჩოქებს დეეე… შენს გულშიც ხომ ია ყვავის დედი. იებს კონებად შევკრავ და შენ მოგილოცავ ჩემო დედიკო. მარტო იები კი არა, მთელი გაზაფხული ფეხქვეშ დაგიფინე დედი. შენ ყველა გაზაფხულს უხდები, შენ ყველა წელს შვენი…შენი სუნთქვა ჩემი იავნანაა დედი…
მინდა ჩაგხედო სევდიან თვალებში და გითხრა,
ისევ ბავშვობა ამიყვავილე დედი…კალთაში ჩამისვი და ტკივილები გამიყუჩე დეეე…
კომენტარები: