“ვამაყობ რომ საამაყო დედის შვილი ვარ და უპირობოდ ვიქნები ჩემი შვილის საამაყო დედა”შიკ ბებეს 3 მარტის კონკურსის გზავნილი..

შიკ ბებემ დედის დღესთან დაკავშირებით კონკურსი დაიწყო.
კონკურსის ფარგლებში, პოსტის კომენტარში უნდა მიწეროთ დედაზე რაიმე, ორიგინალური, გულწრფელი, საინტერესო. გამოაგზავნოთ ფოტო, თქვენი ან შვილ(ებ)თან ერთად. გამარჯვებულებისთვის საჩუქრად ბრიტანული მსოფლიო ბრენდი – დელფი კოსმეტიკის ვაუჩერები და კოსმეტიკა გახლავთ.
კონკურსი მოქმედებს ნებისმიერი ასაკის მონაწილეებისთვის. მთავარია გულით მიუძღვნათ..ნანა ვერმიშიანი-შიოშვილის წერილი შვილს და დედას..

სალომე ფოფხაძის წერილი:

მე დედა ვარ , დედა 6 თვის ულამაზესი მარიამისა და მატარებელი იმ სიყვარულისა რომელსაც დედაშვილობა ჰქვია. მე დედა ვარ იმ ოცნების შვილისა , რომელმაც მაგრძობინა ის სიხარული რასაც ჩემი დედიკო გრძნობდა ყოველ დღე , ყოველ სამ მარტს , როცა წითელი კალმით , ულამაზოდ მოხაზული მაგრამ დედიკოსთის ყველაზე ლამაზი სიტყვებით ვულოცავდით დედის დღეს. მე დედა ვარ იმ შვილისა , რომელმაც დედობის სიხარული მომანიჭა და დედა ვარ იმ შვილისა , რომელმაც ჩემი დედიკოს ჩვენდამი უსაზღვრო სიყვარული სრულად მაჩვენა.იმ სიყვარულით მიყვარხარ ჩემო პატარა რომელსაც უფალმა დედაშვილობა უწოდა, იმ განცდით გიხდი მადლობას ჩემო დედიკო რასაც შვილის მშობლისადმი მადლოერება ჰქვია. ვამაყობ რომ საამაყო დედის შვილი ვარ და უპირობოდ ვიქნები ჩემი შვილის საამაყო დედა. მე მარიამის , ვარდისფერ თითებიანი და შავთვალა გოგონას ბედნიერი დედიკო ვარ. დედობა გულში შვილისადმი ვერ დატეული უსასრულო სიყვარულია