თუ ორსულად ხართ და ხშირად მშობიარობა ან კოშმარები გესიზმრებათ, ნუ შეგეშინდება, რადგან შენ მარტო არ ხარ — ორსულობის პერიოდში უცნაურ სიზმრებს თითქმის ყველა ქალი უჩივის და ეს საკმაოდ ბუნებრივი მოვლენაა, განსაკუთრებით პირველ ტრიმესტრში (პირველი 3 თვე). ამის მიზეზი, როგორც წესი, ხშირად ორგანიზმში მიმდინარე ფიზიოლოგიური ცვლილებებით გამოწვეული გაღიზიანება ხდება ხოლმე.
ორსულის სიზმრები ძალიან ცოცხალია, ზოგჯერ საკმაოდ ემოციურიც. ასეთ დროს, სასურველია განცდები ღიად გაუზიარო პარტნიორს, მეგობარს, ოჯახის წევრს ან გინეკოლოგის ასისტენტს. შენსავე სიზმრებზე ხმამაღლა საუბარი შვებას მოგგვრის, მომდევნო პერიოდში მათ კონტროლსაც ისწავლი და თანაც, გინეკოლოგი დაგარწმუნებს, რომ ამის შესახებ ნერვიულობა არ ღირს. ორსულებისთვის დამახასიათებელი ყველა სიზმრის აღწერა შეუძლებელია, თუმცა რამდენიმე ძალიან გავრცელებული ხილვის შესახებ ვისაუბრებთ.
პირველი ორსულობისას, შეიძლება ხშირად გესიზმროს, რომ მშობიარობ და უკვე გაზრდილ ბავშვს ან ჩამოყალიბებულ ადამიანს აჩენ. ეს ნიშნავს, რომ შენი ქვეცნობიერი ღელავს, როგორ მოუვლის უმწეო ჩვილს, გაზრდილ ბავშვშში კი ნკლებ საფრთხეს ხედავს. ასევე, შესაძლებელია, შინაგანად იმის შესახებაც ნერვიულობ, მშობიარობის შემდგომ სამსახურს და ჩვეულ რეჟიმს როდის დაუბრუნდები ან გექნება თუ არა საკმარისი დრო, შენ პატარას ყურადღება რომ არ მოაკლო.
ასევე, მშობიარობის შიში ისეთ სიზმარსაც იწვევს, თითქოს შენი ბავშვი უეცრად არსაიდან გაჩდა.
ორსულ ქალებს, ასევე, ხშირად შენობებიც ესიზმრებათ — უბრალო ოთახებით დაწყებული, უზარმაზარი ცათამბჯენებით დამთავრებული. ეს შენობები, შესაძლოა, ქარხნები ან გემთსაშენები იყოს. თუ გაიაზრებ, რომ იგივე პროცესები შენსავე სხეულში მიმიდნარეობს, სადაც ბავშვი ფორმირების ეტაპებს გადის, იმის მიხვედრაც ადვილია, რომ თვეების მატებასთან ერთად, სიზმარში დიდ შენობებს კიდევ უფრო ხშირად ნახავ.
მოკლედ, მნიშვნელობა არ აქვს, რა გესიზმრება, მთავარია შენი სიზმრები პარტნიორს გაუზიარო: რაოდენ გასაკვირიც არ უნდა იყოს, ქალის ორსულობის დროს, პარტნიორი მამაკაციც უცნაურ სიზმრების ხედავს.
კომენტარები: