“თუ თქვენს შვილს არ აქვს მოტორული უნარები განვითარებული, მაშინ აღარ უნდა იწუწუნოთ, რომ მისი გონება არ მუშაობს.”

პედიატრები ხშირად აფრთხილებენ მშობლებს რომ მოტორიკის სწორად განვითარება ძალიან დიდ როლს თამაშობს ბავშვის გონებრივ განვითარებაში. შესაბამისად საბავშვო პროდუქციაც შეძენილი უნდა იყოს ამ მნიშვნელოვანი პუნქტის გათვალისწინებით.

ბოლო წლებია შეიმჩნევა ტენდენცია: ბავშვებისთვის კითხვის, წერის და უცხო ენების სწავლებას ადრე იწყებენ. ბევრი მშობელი შვილს ორი წლიდან ასწავლის იმას, რისი სწავლაც თავად 5-6 წლის ასაკში დაიწყო. აყენებს თუ არა ეს ბავშვს ტრავმას? რამდენადაა გამართლებული სწავლისა და აღზრდის ასეთი მეთოდი?

ამ საკითხზე სანკტ-პეტერბურგის სახელმწიფო უნივერსიტეტის პროფესორი, ფსიქოლინგვისტი და ნეირობიოლოგი ტატიანა ჩერნიგოვსკაია საუბრობს.

ჩვენ საკმაოდ რთული ამოცანის წინაშე ვდგავართ. ერთი მხრივ, ვხვდებით ადამიანებს, რომლებიც გადაწერით წერენ და კითხულობენ ჩვეულებრივ წიგნებს, მეორე მხრივ, კი არიან ადამიანები, რომლებიც კითხულობენ ჰიპერტექსტებს, წერენ არა ზოგადად, არამედ გამოსახულებებით ისე, რომ ტექსტი აღარცაა საჭირო. მნიშვნელოვანია ვიცოდეთ, რომ ეს სხვა ადამიანია და მას სხვანაირი ტვინი აქვს. ჩვენ, უფროსებს ძალიან მოგვწონს ასეთი ტვინი და დარწმუნებულები ვართ. თუ ბავშვებს სკოლაში მისვლამდე არ ვავარჯიშებთ ხაზების გავლებაში, არ გამოვუმუშავებთ ხელით კალმის დაჭერასა და მისი მეშვეობით ფიგურების გამოსახვას, თუ მაკრატლით არ გამოჭრის, არ ააცვამს მძივებს, მას წვრილი, ნატიფი მოტორიკა არ გამოუმუშავდება. ეს მის მეტყველების კულტურაზეც ძალიან დიდ გავლენას მოახდენს. თუ თქვენს შვილს არ აქვს მოტორული უნარები განვითარებული, მაშინ აღარ უნდა იწუწუნოთ, რომ მისი გონება არ მუშაობს.”

მოტორული უნარები ბავშვებს საკუთარი სხეულის გაკონტროლებაში ეხმარება. წვრილი მოტორიკა კი არის უნარი, რომლის მეშვეობითაც ბავშვი აკონტროლებს წვრილ, თხელ კუნთებს და ახერხებს, თვალის საგნებზე გაყოლებას, მოჭიდებას და ასე შემდეგ.