რა დანიშნულება აქვს საბავშვო სამგზავრო სავარძელს და რეალურად, იცავს თუ არა ის პატარას ავტოსაგზაო შემთხვევების დროს. ბოლო დროის უმძიმესმა მოვლენებმა ეგრეთ წოდებული „ქარსითის“ საჭიროებებში კიდევ ერთხელ დაგვარწმუნა, თუმცა, აქვე გაჩნდა უამრავი კითხვა. რა ფორმისა და ზომის უნდა იყოს სავარძელი, როგორ უნდა შეირჩეს ის ასაკის მიხედვით, როგორ უნდა დავსვათ იქ ბავშვი მაქსიმალურად უსაფრთხო კონდიციაში.
საქართველოს კანონი სადაც 26 მუხლი უფრო კონკრეტულად არის განმარტებული და მკაფიოდ წერია, რომ 3 წლამდე ბავშვის მსუბუქი ავტომობილის უკანა სავარძლით გადაყვანისას აუცილებლად გამოყენებული უნდა იყოს სპეციალური საბავშვო ეტლი, სავარძელი ან რაიმე სხვა დამჭერი მოწყობილობა, რომელიც შეესაბამება ბავშვის სიმაღლეს და წონას. სავარძლები სხვადასხვა კატეგორიის არის, ბავშვის ზომის მიხედვით განისაზღვრება. ძირითადად ოთხი კატეგორიის სავარძელი არსებობს და მშობელი თავად განსაზღვრავს, ბავშვის წონისა და სიმაღლის მიხედვით, რომელი ესაჭიროება მას.
ეს გახლავთ მანქანის სავარძელი რომელიც გამოიყენება 9 კგმდე, სტანდარტულად 9 კგ ბავშვი არის 6 თვიდან. აქედან გამომდინარე თავისუფლად 6 თვის ბავშვი სახით გარემოსკენ დავსვათ. ბავშვის წონა კი რათქმაუნდა ინდივიდუალურია და მის ასაკს შეიძლება არც ესაბამებოდეს. ეს არის იტალიური პრემიუმ კლასის ბრენდი რომელიც 100% ითვალისწინებს უსაფრთხოების ყველა სტანდარტებს. ასე ყველა ევროპული ლიცენზიის მქონე ბრენდი, maxi cosi, maclaren, morhercare, prenatal, და აშ.
არის მანქანის სავარძლები, რომელიც გამოიყენება 0 თვიდან 18 კმდე. საერთაშორისო ბრენდების ინსრტუქციაში ნაჩვენებია რომ 0დან 13 კგმდე მანქანის სავარძელი ჩამაგრებული არის ზურგით გარემოსკენ. მაგრამ იქვე არის ნაჩვენები 9-18კმდე უკვე სავარძლის შემოტრიალება შეგვიძლია, ისე რომ 9კგდან ბავშვმა უყუროს გარემოს.
რაც შეეხება 0 თვიდან 13კმდე სავარძლებს რომელსაც კალათის ფორმა აქვს, მანქანაში მაგრდება მხოლოდ ზურგით გარემოსკენ. ფიზიკურად სავარძელი არ იძლევა სხვანაირად ჩამაგრების საშუალებას. არ დაგიმალავთ იშვიათად ხდება, მშობელმა ეს კონკრეტული სავარძელი 13 კმდე გამოიყენოს.
როდესაც ბავშვი კატეგორიულად უარს ამბობს სამგზავრო სავარძელში მოთავსებაზე, მიუთითებს თუ არა ეს, რომ ბავშვს აქვს ქცევითი პრობლემა და მას სჭირდება ბავშვთა ფსიქოლოგის დახმარება?
ბავშვის განვითარების ინსტიტუტის სპეციალისტმა ია იაშვილმა
მხოლოდ სავარძელში ჩაჯდომაზე უარის თქმა, არ არის გარკვეულ დარღვევასთან დაკავშირებული. ეს უფრო მეტად მიუთითებს იმას, რომ ბავშვს გამოცდილება არ აქვს მსგავსი ტიპის სავარძელში ჯდომის.
მნიშვნელოვანია, რომ მშობლებმა რაც შეიძლება ადრე, მცირე ასაკიდან მოათავსონ ბავშვები სავარძელში, ეს მდგომარება მისთვის ბუნებრივი გახდება და წინააღმდეგობასაც ნაკლებად გაუწევს მშობელს. ძალიან მნიშვნელოვანია, განვსაზღვროთ, რამდენად ღირებულია ბავშვის სავარძელში ჯდომა, გვირჩევნია, რომ აპროტესტებდეს და დაცულად იჯდეს, თუ მშვიდად, მაგრამ დაუცველად მგზავრობდეს.
როდესაც ბავშვის სიცოცხლეს და უსაფრთოებას ეხება საქმე, მშობელი უნდა იყოს აბსოლუტურად კატეგორიული. ბავშვს, მიუხედავად ტირილისა, უნდა ვასწავლოთ, რომ შეიკრას ღვედი, დაჯდეს სავარძელში. ეს არის კანონი, წესი, მშობელმა თავიდანვე უნდა ასწავლოს ბავშვს კანონმორჩილება.
სავარძელი ხშირ შემთხვევაში 60-70 % -მდე იცავს ბავშვებს დაზიანებისგან.
კომენტარები: