“შიკ ბებეს” დედის დღის კონკურსის ჩანაწერი, რომლითაც მეორე გამარჯვებული გამოვლინდა..

შიკ ბებემ დედის დღის კონკურსის გამარჯვებულები გამოავლინა. ნანა ვერმიშიანი ერთ ერთი გამარჯვებული დედაა..რომელმაც საოცრად გულწრფელი ჩანახატი მიუძღვნა დედას.

თამუნა ორდენიძის წერილი დედას..

ხშირად ვჩხუბობთ სხვადასხვა შეხედულებების, განსხვავებული გემოვნების, ჩემი დაულაგებელი კარადის, მარილიანი საჭმლის და სხვა ათასი მიზეზის გამო. ხან შენ გწყინს, ხან მე ვბრაზობ და გებუტები. უმადური შვილის შთაბეჭდილებასაც გიტოვებ ხოლმე, ვიცი. ალბათ, გულზე გხვდება, მაგრამ არ მაგრძნობინებ და მხოლოდ იმას მეუბნები, რომ მაშინ მივხვდები, როცა მე თვითონ გავხდები დედა. 
ვხვდები, ძალიან კარგად ვხვდები, რის ფასად გამზარდე, რამდენი რამ მასწავლე, როგორ ზრუნავ ჩემზე, რა ძლიერ გიყვარვარ და მგულშემატკივრობ, როგორ განიცდი ჩემს მარცხს და გახარებს ჩემი წარმატება. 
განცდებს და გრძნობებს ნაკლებად გამოვხატავ, ვერ გაგრძნობინებ, რამდენად მნიშვნელოვანი ადამიანი ხარ ჩემთვის და რა ძლიერ მიყვარხარ.
ერთხელ თქვი, რომ არცერთი შვილი არ წერს შენთვის, მიუხედავად იმისა, რომ ამის ნიჭი ორივეს აქვს. მე დავწერე, დედა, დავწერე ეს წერილი შენთვის.
მინდა იცოდე, რომ ჩემი ძლიერი დასაყრდენი და იმედი ხარ. 
მადლიერება, სინანული და სიყვარული – აი გრძნობები, რომლებიც შენთან მაკავშირებს და შესაბამისად მინდა გითხრა:
მადლობა, დედა!
ბოდიში, დედა! 
მიყვარხარ, დედა!

კონკურსის ფარგლებში, პოსტის კომენტარში უნდა მიგეწერათ დედაზე რაიმე, ორიგინალური, გულწრფელი, საინტერესო.