სამედიცინო მითები – სამედიცინო თემებთან დაკავშირებული აქსიომებია, რომელთა ჭეშმარიტებაც ხშირად ექიმებისთვისაც ეჭვშეუვალია. ისინი ლოგიკური ვარაუდების საფუძველზე იქმნება, მაგრამ სამეცნიერო კვლევების პროცესში ხშირად ქარწყლდება კიდეც. ალბათ, გსმენიათ, რომ სტაფილო მხედველობას აუმჯობესებს, ქოლესტერინი ჯანმრთელობას ვნებს, მაგრამ მეცნიერული კვლევები თანდათან საფუძველს აცლის ამ მითებს.
ბევრი ტკბილი კბილის კარიესს წარმოქმნის, ვაქცინები აუტიზმს იწვევს,
კვერცხი სისხლში ქოლესტერინის დონეს ამაღლებს… ამ და სხვა ბევრ საკითხზე, chicbebe Education-ის ფარგლებში 6 მაისს 19:00 საათზე, მულტიფუნქციურ სივრცე “ტერმინალში” მშობლებს გიწვევთ სემინარზე, რომელსაც ანესთეზიოლოგ-რეანიმატოლოგი და პირველადი გადაუდებელი დახმარებისა თუ ტრავმის მართვის ინსტრუქტორი არჩილ მარშანია გაუძღვება.
– რა სხვაობაა მეცნიერებასა და ფსევდომეცნიერებას შორის;
– როგორ ვრცელდება სამედიცინო მითები; (ვაქცინაცია, ვირუსები, სახალისო და სახიფათო მითები..)
– როგორ გაარჩიოთ მშობლებმა სიმართლე და ტყუილი როდესაც სამედიცინო თემებზე გვესაუბრებიან;
– როგორ ვებრძოლონ დეზინფორმაციას და სხვა…
მშობლებისთვის დასწრება უფასოა!
არჩილ მარშანია ამასთანავე, პირველადი დახმარების ცენტრის დამფუძნებელი და საქველმოქმედო პროექტის, „გადაარჩინე სიცოცხლე, ისწავლე გფრ / cpr”-ს, ავტორიცაა. არჩილი კითხულობს ლექციებს სხვადასხვა ტრენინგცენტრში, მუშაობს ბრიტანულ კომპანიაში ზოგადი პრაქტიკის ექიმად.
სემინარის დეტალები
სემინარის ხანგრძლივობა 1 საათი და 30 წუთი, ინტერაქციული ხასიათის შეხვედრა. ყველა ძირითადი თემის განხილვის შემდეგ კი კითხვა-პასუხის რეჟიმში შესაძლებელი იქნება ნებისმიერი სხვა სამედიცინო თემის მოკლე მიმოხილვაც.
მის.: ტერმინალი, თბილისი: აბაშიძის 34/36
თარიღი: 6 მაისი
დრო: 19:00 საათი
რეგისტრაციისთვის გადადით ლინკზე
https://docs.google.com/forms/d/1vtapRWQHseVuhCQLpnng6T0_86ozseCr-wYdaBfMJRQ/edit
კომენტარები: