“როცა წარმოვიდგენ შენი დამსახურებით რამდენი რამის მიცემა შემიძლია ჩემი შვილისთვის” – შიკ ბებეს კონკურსში გზავნილი დედას..

შიკ ბებემ დედის დღესთან დაკავშირებით კონკურსი დაიწყო.
კონკურსის ფარგლებში, პოსტის კომენტარში უნდა მიწეროთ დედაზე რაიმე, ორიგინალური, გულწრფელი, საინტერესო. გამოაგზავნოთ ფოტო, თქვენი ან შვილ(ებ)თან ერთად. გამარჯვებულებს საჩუქრებად კი, ბრიტანული ბრენდი – დელფი კოსმეტიკის ვაუჩერები და კოსმეტიკა გახლავთ.
კონკურსი მოქმედებს ნებისმიერი ასაკის მონაწილეებისთვის. მთავარია გულით მიუძღვნათ.. 

ნიტა ტაბატაძის წერილი დედას.

დედა შენ განსაკუთრებული ხარ, პრინციპში ყველა დედა განსაკუთრებულია შვილისთვის, მაგრამ შენ მაინც! მარტოხელა დედა გერქვა, მარტოხელა, რომელმაც შეძელი შვილების აღზრდა, რა ცუდია რომ დღე გვაქვს დაწესებული ამ სიტყვების სათქმელად შენთვის, რა მნიშვნელობა აქვს 3 მარტია, 4 თუ 5, ყოველი დღე შენ გეკუთვნის ამ სამყაროში, მადლობა ყველაფრისთვის, მადლობა იმისთვის რომ ვარსებობ, რადგან დღეს მეც დედა მქვია, უბედნიერესი დედა, რადგან ანასტასია მყავს, ღმერთო ჩემო როგორი ბედნიერი ვარ, როცა წარმოვიდგენ შენი დამსახურებით რამდენი რამის მიცემა შემიძლია ჩემი შვილისთვის, ზუსტად შენით ვიქნები კარგი დედა, რომელიც ფიზიკური დასჯის გარეშე შეძლებს კარგი შვილის გაზრდას, შენი ჩემი მომავლის გარანტი ხარ, მიყვარხარ და გილოცავ დედის დღეს!
სასწაულებს ახდენსო,
დედის შვილზე ლოცვა,
ყველა ცრემლი მაპატიე,
რაც აქამდე გქონდა!