როგორ დავეხმაროთ პატარებს რომ თავი “სუპერ ბავშვებად” იგრძნონ…რჩევები მშობლებს

1. თქვენი შვილის ბაღელები/კლასელები სხვებს აბულინგებენ და დასცინიან. შედეგად კი თქვენს შვილს სკოლაში წასვლა აღარ უნდა, რადგან ემოციურ ტკივილს იღებს. კარგი იქნება თუ მშობელი არ ჩაერევა. აუხსენით შვილს, რომ სინამდვილეში პრობლემა მჩაგვრელს აქვს, რადგან სხვების დაცინვით სურს, თავად გამოჩნდეს “მაგარი”. თუ ჩაგრულების თვალებში მობულინგე შიშს ვერ დაინახავს, სხვა ბავშვებიც აღარ დასცინებენ, რადგან ნახავენ, რომ მჩაგვრელი არანაირ რეაქციას არ იწვევს სხვებში.

2. თუ ბავშვი გეუბნებათ- ,, ქეთის უფრო ლამაზი თმა და თვალები აქვს მე კი უშნო ვარ’’ ადრე თუ გვიან, ყველა ბავშვი იწყებს საკუთარი თავის სხვებთან შედარებას, რაც შეიძლება პრობლემა გახდეს მომავალში. ხშირად უთხარით თქვენ შვილს, რომ ლამაზია და ძალიან გიყვართ.

3. თუ თქვენი ბავშვი მორცხვია და მეგობრებთან ყოფნას სახლში ურჩევნია. შესთავაზეთ მას რომელიმე სპორტის სახეობა. სპორტულ გუნდს, რომელსაც საერთო ინტერესები აქვს კარგი გავლენა ექნება თქვენი შვილის ხასიათზე. სპორტი ბავშვში თავდაჯერებულობის გრძნობას აჩენს. თუმცა, მშობლებს არ უნდა დაავიწყდეთ შვილის ინტერესების გათვალისწინებაც და მისცენ მას საშუალება, თავად აირჩიოს, რომელი სპორტი ურჩევნია. თუ მას რაგბი მოსწონს, ნუ შეიყვანთ ფეხბურთზე.

ილუსტრაცია -izrune.ge