მშობიარობის შემდგომი დეპრესია ბეიბი ბლუზზე – პოსტნატალურ პერიოდში დედის ხასიათის არასტაბილურობაზე – გაცილებით მწვავე და რთულად სამკურნალო მდგომარეობაა, ვინაიდან ის დედებში შვილსა და საკუთარ თავზე ზრუნვის უნარის დაქვეითებით ხასიათდება. დედები, ამ დაავადებას აღწერენ, როგორც მაპარალიზებელ მდგომარეობას. ეს პრობლემა ჩვენთანაც რომ აქტუალურია და მეტ ყურადღებას საჭიროებს, ქართველი დედების მიერ მოთხრობილი ისტორიებიდანაც ჩანს.
პოსტნატალური დეპრესია მშობიარობის შემდგომ შესაძლო გართულებათა შორის ყველაზე გავრცელებულ კონდიციად ითვლება. მიუხედავად იმისა, რომ აშლილობა ყველა ქალში ინდივიდუალურად გამოიხატება, მენტალური ჯანმრთელობის ნაციონალური ინსტიტუტი (NIMH) დაავადების ზოგად სიმპტომებს შემდეგნაირად აღწერს: სევდა და უიმედობა, უმიზეზოდ ტირილი, შფოთვა, არასაკმარისი ან გადაჭარბებული ძილი და მადის ცვლილებები.
ერთ-ერთი ცდა პოსტნატალური დეპრესიის მქონე ოცდაერთ ქალზე ჩატარდა. მათ ნაწილს პრეპარატ ბრექსანოლონს აძლევდნენ, ნაწილს კი – პლაცებოს. ჯგუფში, რომლის წევრებიც ბრექსანოლონს სვამდნენ, ხასიათის “შესამჩნევი და კლინიკურად მნიშვნელოვანი” გაუმჯობესება აღინიშნა. ჯგუფში, რომლის წევრებიც პლაცებოს იღებდნენ, ცვლილება ნაკლებად შესამჩნევი იყო, კერძოდ მაჩვენებელმა ოცდაცხრიდან ოცამდე, ანუ ძალიან მძიმე დეპრესიიდან მძიმე დეპრესიულ მდგომარეობამდე დაიწია.
სამედიცინო ჟურნალ Lancet-ში ასევე გამოქვეყნდა ორი შედარებით ფართომასშტაბიანი კვლევა, რომელთაგან თითოეულში ასზე მეტი პაციენტი იღებდა მონაწილეობას. 60-საათიანი გადასხმების შემდეგ აქაც ბრექსანოლონმა პლაცებოზე მაღალი ეფექტი აჩვენა.
vox
კომენტარები: