ტყუპების აღზრდის თავისებურობები…რა უნდა ვიცოდეთ და გავითვალისწინოთ?

ტყუპების აღზრდა, ნებისმერი ოჯახისთვის, ორმაგ შრომას მოითხოვს. ამიტომ, ძალიან მნიშვნელოვანია, რომ მშობლები კარგად ერკვეოდნენ მათი აღზრდის თავისებურებებში. მართალია, ტყუპი ბავშვების ფსიქიკური განვითარება ექვემდებარება იმავე კანონებს, რასაც სხვა ბავშვების განვითარება, თუმცა მას რიგი სპეციფიკური ნიშნები მაინც ახასიათებს, რაც აუცილებლად საჭიროებს გათვალისწინებას ტყუპების აღზრდის და მათი პიროვნების ფორმირების პროცესში.

მათ ჩვეულებრივ განსხვავებული ხასიათი და ინტერესები აქვთ. ის ფაქტი, რომ მუცლადყოფნის პერიოდიდან მოყოლებული ტყუპები სულ ერთად არიან, ისმენენ ერთმანეთის გულისცემას, ინსტიქტურად „ზრუნავენ“ ერთმანეთზე, ეჩვევიან მშვიდობიან თანაარსებობას – მნიშვნელოვნად განსაზღვრავს მათ განვითარებას.

ტყუპებს შორის ყოველთვის არსებობს მჭიდრო ემოციური კავშირი. ისინი ძალიან კარგად გრძნობენ ერთმანეთს და ესმით ერთმანეთის. ადრეულ ბავშვობაში, თითოეული მათგანი საკუთარ თავს ერთი მთლიანის ნაწილად აღიქვამს. საინტერესოა ის ფაქტი, რომ, როგორც წესი, მშობლებიც ისე ეპყრობიან ტყუპებს, როგორც ერთ მთლიანს და ასევე მოიხსენებენ ყოველდღიურ ურთიერთობაში. ასეთი დამოკიდებულება ტყუპების მიმართ ფსიქოლოგიურად გაუმართლებელია..

აუცილებელია მშობლებმა დავეხმაროთ თითოეულ ბავშვს, იგრძნოს და გააცნობიეროს საკუთარი უნიკალურობა, განავითაროს საკუთარი უნარები და მიდრეკილებები, მოახდინოს საკუთარი შესაძლებლობების და მისწრაფებების რეალიზება და იპოვოს საკუთარი  ადგილი ცხოვრებაში.

chicbebemagazine გიზიარებთ დღის ფოტოს. ინგლისელი  ბლოგერი თავის ორ ტყუპთან ერთად და მათი რჩეული ფრანგული ბრენდი babyzen yoyo