ნიაკო ნოზაძე, რჩეულ მეწყვილე ბიჭუნებთან ერთად, TUC TUC-ის ტრენდული კოლექციისთვის პოზირებს..

მომღერალ ირაკლი ნოზაძის და უმშვენიერესი ია დუდაშვილის შვილი, ნიაკო, ყველასთვის საყვარელი პატარა ბლოგერია.

ესპანური პრემიუმ ბრენდის tuc-tuc-ის კოლექციისთვის ნიაკო თავის სოც. გვერდზე ეძებდა პარტნიორს. ათასობით ქართველი დედების აქტიურობის შემდეგ, შეირჩა მეწყვილეები – საოცარი გარეგნობის ბიჭუნა- ლუკა გამთენაძე, რომელიც ისე მოიხიბლა ფოტოსესიით და ნიაკოსთან კონტაქტით, რომ საერთოდ არ დაღლილა, პირიქით წასვლაც აღარ სურდა. მეორე – უსაყვარლესი და ცელქი ბიჭუნა- დემე გუგუნაშვილი, რომელიც ამერიკის მოქალაქეა და როგორც დედა გვიამბობს, სამახსოვრად არაჩვეულებრივი მოგონებით მიდიან ამერიკაში.

chicbebemagazine ნიაკოს შესახებ ესაუბრა თავის დედას, ია დუდაშვილს..

ია, ნიაკო განსაკუთრებული გოგოა.. როგორ ფიქრობთ, რის გამო არის ის ასეთი საყვარელი თავისი გამომწერებისთვის?

“ალბათ ყველა მშობლისთვის რთულია შვილის ობიექტურად შეფასება და დახასიათება, მაგრამ მე მიადვილდება იქიდან გამომდინარე, რომ ჩემს გარდა ათასობით ადამიანი ადევნებს თვალს და მათი დახმარებით ვხვდები, რომ ეს ადამიანი ნამდვილად განსაკუთრებულია და იმიტომ არ მეჩვენება, რომ მე მისი დედა ვარ. ამაში მგონი თქვენც დამეთანხმებით, წინააღმდეგ შემთხვევაში ჩვენი საუბარი არ შედგებოდა. ნიაკო არის უზომოდ თბილი, კეთილი, მზრუნველი, მოსიყვარულე, ძალიან უშუალო და კონტაქტური. მხოლოდ დადებითზე რომ არ ვისაუბრო, აღვნიშნავ იმასაც, რომ ძალიან ჯიუტია, მაგრამ ეს თვისებაც მომწონს მასში, რადგან ავლენს საკუთარ ხასიათს და პრინციპულობას, ეს კი მარწმუნებს იმაში, რომ იქნება თავდაჯერებული და არ ექნება დამყოლი ხასიათი.

ბოლო პერიოდში ძალიან გატაცებულია ბაღით, რადგან უამრავ მისთვის საინტერესო სიახლეს ეცნობა ყოველდღიურად და ვითარდება როგორც ფიზიკურად, ისე ფსიქოლოგიურად. ახლო მომავალში ვაპირებთ დამატებით სპორტულ წრეებზე და ვოკალზე სიარულს, რადგან როგოც მამიკო ამბობს, კარგი სმენა აქვს და ვნახოთ რა გამოვა. “

ესპანეთის 2019 წლის ტრენდულ სამოსში კვლავ აქტუალურია ბრენდი tuc tuc.. TUC ის ხაზის იდენტიფიცირება თავისი კოსტიუმებით, სტილით და გამორჩეული ფერთა გამით მარტივია.. ბრენდი კვლავ გატაცებულია მხიარული, ელეგანტური სამოსის შექმნით