ოჯახის წევრების უმრავლესობა, განსაკუთრებით კი ბებიები და უფროსი თაობის წარმომადგენლები, ტანჯავენ ფეხმძიმე ქალბატონს სხვადასხვა აკრძალვებითა და რჩევებით: არ შეიძლებე თმის შეჭრა, კოსმეტიკური საშუალებების გამოყენება, თმის შეღებვა, მედიკამენტების მიღება და მოგზაურობა. მაშინ რისი გაკეთებაა შესაძლებელი ორსულისთვის? ძალიან ხშირად, ფეხმძიმე ქალბატონის ორგანიზმი თავად ეუბნება მას თუ რისი გაკეთება შეიძლება ან არ შეიძლება მისთვის. მიუხედავად ამისა, ექიმთან კონსულტაცია და შესაბამისი რჩევების მიღება-გათვალისწინება მაინც აუცილებელია. აღსანიშნავია, რომ ორსულობის განსაკუთრებულ მდგომარეობად მიღება აუცილებელი არ ირის. ქალბატონისთვის ეს სრულებით ნორმალური ფიზიკური მდგომარეობა და ცხოვრების გარკვეული ეტაპია. ყველაფერთან ერთად ქალბატონი არ იზღუდება საკუთარი სილამაზისთვის ბრძოლაში. შეგძლიათ თამამად მიაკითხოთ სილამაზის სალონებს, მიიღოთ მზის აბაზანები და დაკავდეთ სპორტით..
ორსული ქალბატონების უმრავლესობას სწორედ ეს საკითხი აღელვებთ. ზოგადად მოგზაურობასთან დაკავშირებული პირობები ქალბატონისა და ნაყოფის ჯანმრთელობაზეა დამოკიდებული. ნებადართულია ახლო მანძილზე მოგზაურობა. ექიმები ორსულობის 12 კვირამდე და 30 კვირის შემდეგ ქალბატონებს მოგზაურობას საერთოდ არ ურჩევენ. ამ შემთხვევაში განსაკუთრებით საშიში ტრასპორტი თვითმფრინავი, მატარებელი და ავტობუსია. მოგზაურობა მეორე ტრიმესტრშია ნებადართული. ეს არის ეტაპი, როცა ქალბატონის ორგანიზმი უკვე მიჩვეულია ახალ მდგომარეობას. მიუხედავად ამისა, მოგზაურობამდე სასურველია ექიმის კონსულტაციაც.
კომენტარები: