ორსულობა მეტად საპასუხისმგებლო მდგომარეობაა, ამიტომ ორსულმა ზედმიწევნით კარგად უნდა იცოდეს ის ცხოვრების წესი, რასაც ორსულობის პერიოდში უნდა ასრულებდეს. რა გამოკვლევები უნდა ჩაიტაროს ორსულმა და როგორ უნდა აიცილოს გართულებები ორსულობის პერიოდში. თქვენ ბევრი რამის გაკეთება შეგიძლიათ იმისთვის, რომ ორსულობა წარმატებით წარიმართოს.
- როდესაც დაორსულებას გადაწყვეტთ, აუცილებლად მაკითხეთ ექიმს, თქვენს და თქვენმა მეუღლემაც. ექიმი დაგინიშნავთ პროფილაქტიკურ კვლევებს და მოგამზადებთ ამ მნიშვნელოვანი გადაწყვეტილებისთვის. სამწუხაროდ, ორსულობის განმავლობაში აღმოცენებული პრობლემების უმეტესობა ქალის ორსულობამდე არსებულ მდგომარეობას უკავშირდება ამიტომ წინაწარ გამოკვლევას ძალიან დიდი მნიშვნელობა აქვს თქვენთვის და თქვენი მომავალი შვილის ჯანმრთელობისთვის.
- თუ თქვენ ჩასახვის საწინააღმდეგო აბებს იღებთ, სასურველია დაორსულებამდე 3 თვით ადრე შეცვალოთ ის კონტრაცეფციის სხვა საშუალებით.
- თუ ორსულობას გეგმავთ, ნუ მიიღებთ მედიკამენტებს.
- თუ თამბაქოს მომხმარებელი ხართ, დაორსულებამდე მინიმუმ 3თვით ადრე შეწყვიტეთ მისი მოხმარება.
- შეწყვიტეთ ალკოჰოლის მოხმარება
- დაიწყეთ ვარჯიში, რათა თქვენთვის სასურველ წონას მიაღწიოთ და ორსულობის დროს მომატებულმა წონამ დისკომფორტი არ შეგიქმნათ.
- დაიწყეთ ფოლიუმის მჟავის მიღება. ეს B ჯგუფის ვიტამინია. კვლევებით დასტურდება, რომ ფოლიუმის მჟავის მიღება ორსულობამდე და გესტაციის 12 კვირამდე ამცირებს ნერვიული ღეროს დეფექტების განვითარების სიხშირეს. მისი მიღება ორსულობის დროს არ არის ასოცირებული რაიმე სახის რისკთან.
კომენტარები: