თქვენ მას გულში იკრავთ, როცა გადმოვარდნილი მწარედ დასტირის გადაყვლეფილ მუხლებს, თქვენ მას ძილის წინ ანანავებთ, უმღერით, ეფერებით, რომ დაამშვიდოთ, რომ თავი უკეთესად აგრძნობინოთ, თუმცა როგორც უკანასკნელმა კვლევებმა აჩვენეს, მშობლიური მზურნველობა მხოლოდ ემოციური საკვები არ ყოფილა, იგი ინტელექტზეც სერიოზულ გავლენას ახდენს.
მეცნიერულად დამტკიცებული ფაქტია, რომ ბავშვის ტვინი გარემოს შესაბამისად იზრდება და ფუნქციონირებს. როცა იგი ტირის და მისი მოთხოვნილებები კმაყოფილდება – ანუ ამშვიდებენ, ეფერებიან და აჭმევენ, ქმედებები შედეგებთან სრულ ჰარმონიაში მოდის, იგი სწავლობს როგორ მიიღოს ის, რაც სურს და შესაბამისად გამომუშავდება ახალი, სასიცოცხლოდ აუცილებელი უნარი, იბრძოლოს იმისთვის, რაც სურს ფიზიკურ თუ ემოციურ დონეზე.
კვლევების მიხედვით ჩვილობის ასაკში ნაშვილები ბავშვის ტვინს ნორმალური ფუნქციონირებისთვის დაბრუნების მეტი შანსები აქვს, ვიდრე მოზარდობისას ნაშვილებს, რადგან ემოციური ინტელექტი ძალიან ადრეულ ფაზაში ყალიბდება.
CHILDWELFARE.GOV-ის მასალა
კომენტარები: