” მადლობა, რომ ხარ საუკეთესო მამა” ნუკი კოშკელიშვილი 4 წლიან ურთიერთობაზე

მიუხედვადა იმისა, რომ ნუკი კოშკელიშვილი ამერიკაში გათხოვდა და იქ ცხოვრობს, საქართველოში აქტუალობას მაინც არ კარგავს. უკვე 4 წელია, ნუკიმ და ბენმა ოჯახი შექმნეს და პატარა ბიჭს ერთად ზრდიან. ამ თარიღს ნუკიმ ინსტაგრამზე პოსტი მიუძღვნა:

„4 წელი შესრულდა დღეს, რაც ცოლად გამოგყევი. შორს გამოგყევი, ნამდვილად. არ მოვიტყუები, კი ვჩხუბობთ, კი, როგორც ნებისმიერ ურთიერთობაში, გვაქვს ცუდი დღეები, ყველაფერი ისევეა, როგორც ყველასთან – უთანხმოება, გაღიზიანება, ჯიბრში ჩადგომა. მაგრამ!!!!! ასევე ვიცინით, ვხარხარებთ, ვეხუტებით ერთმანეთს. მადლობა მინდა გითხრა, რომ გიყვარვარ ისეთი, როგორიც ვარ, ყოველგვარი შელამაზების და სიყალბის გარეშე… მადლობა, რომ მე ამირჩიე მილიონ სხვაში. მადლობა, რომ მეუბნები, განსაკუთრებული ვარ; მადლობა, რომ ვგრძნობ შენს მხარდაჭერას.
ჩემთვის უთქვამთ, შენ არ ხარ დიასახლისი ტიპიო. შენ ყოველდღე სადილს გიმზადებ იმიტომ, რომ მინდა… უთქვამთ, რა დროს შენი დედობაა. შენი შვილის თავდადებული დედა ვარ… უთქვამთ, ვერ გავქაჩავ შენ თავს ფინანსურადო (არ ვიცი, ეს ქართველი კაცების დებილობაა). ფინანსურ გაჭირვებაშიც ერთად ვართ და ვძვრებით ერთად.
მადლობა, რომ ხარ ჩემი და მაგრძნობინებ, რომ ჩემს იქით არავინ არსებობს შენთვის. მე იმაზე სუსტი ვარ,ვიდრე ამას ხალხი ხედავს, მადლობა, რომხარ ძლიერი და მე შემიძლია ვიყო უსუსური.. მადლობა, რომ ხარ საუკეთესო მამა, ასეთი მამა თუ არსებობდა, არც მეგონა. მოკლედ, მიყვარხარ და მეყვარები კიდევ მილიონი წელი. იმიტომ, რომ ჩემი ბიჭი ხარ… გილოცავ! …ახლა ისე გადავუთარგმნი, ძალიანაც თავში რომ არ აუვარდეს“.