ლეტიცია კასტა – ჩვენი მუზა 1990-იანი წლებიდან… როგორ გამოიყურება ახლა და როგორი დედაა?

ლეტიცია კასტა 1990-იან წლებში მილიონობით მამაკაცის სათაყვანებელი ქალი იყო. მას ყოველთვის ასახელებდნენ ყველაზე სასურველთა, ულამაზესთა, უსექსუალურესთა რეიტინგებში. მოდელსა და მსახიობს შესანიშნავი კარიერა ჰქონდა, თუმცა უკვე 10 წელზე მეტია, ისე აქტიურად აღარ ჩანს ასპარეზზე და აქა-იქ თუ გამოჩნდებოდა რომელიმე დიდ ღონისძიებაზე თუ პრემიერაზე. 

1993 წლიდან დაიწყო ლეტიციას კარიერა, როცა ჯერ მხოლოდ 15 წლის იყო. მისი სილამაზე ცნობილმა სამოდელო სააგენტოებმა მაშინვე შეამჩნიეს და წამყვანი დიზაინერების მუზად იქცა, იყო “ვიქტორიას სიკრეტის” ანგელოზი, იღებდნენ ყველაზე ცნობილი ჟურნალების გარეკანებზე, გამოდიოდა რობერტო კავალის, ჟივანშის, ჟან-პოლ გოტიეს, შანელის, რალფ ლორენის და სხვათა ჩვენებებზე.