ნამდვილი ლედი და ნამდვილი ჯენტლმენი ყოველთვის გამოირჩევა საზოგადოებაში დახვეწილი მანერებით და კარგი აღზრდით. საინტერესოა, როგორი აღზრდის სტილი აქვთ ინგლისელ მშობლებს და რა არის მათი პრიორიტეტები.
ყველა ქვეყანას აღზრდის თავისი სისტემა აქვს. ითვლება, რომ ინგლისური აღზრდის სისტემა განსხვავებულია. ასეა თუ არა, გავიგებთ სტატიიდან.
ბავშვები არ წარმოადგენენ სამყაროს ცენტრს
ბავშვის დაბადების შემდეგ ოჯახი ცდილობს არ შეცვალოს დადგენილი წესები. ბავშვებს არ განიხილავენ სამყაროს ცენტრად და არც ცდილობენ მათ თავი აგრძნობინონ ყველაზე მნიშვნელოვან არსებებად ამ ქვეყანაზე.
ემოციების კონტროლი
რა თქმა უნდა, ინგლისელებს უყვართ თავიანთი შვილები, მაგრამსითბოს გამოხატვა არ სჩვევიათ. იშვიათად ეხუტებიან და ეფერებიან შვილებს. ვერც იმას მოისმენთ, რომ დედა ან მამა ხმამაღლა ეჩხუბებოდეს ბავშვს. პატარა ასაკიდანვე ბავშვს პიროვნებად აღიქვამენ, პრობლემის გადასაჭრელად მოლაპარაკებას აწარმოებენ მასთან და რაიმე აკრძალვას არგუმენტირებულად უსაბუთებენ.
ფინანსური დამოუკიდებლობა
ინგლისელ მშობლებს ბავშვის განათლება პირველ ადგილზე აქვთ დაყენებული. ისინი არ ეხმარებიან მოზრდილ შვილებს ფინანსურად, არც ერთ ჭერქვეშ ცხოვრობენ. ამიტომ მშობლები თავიანთ შვილებს კარგ ცხოვრებისეულ სტარტს აძლევენ, დანარჩენი კი მათ ხელთაა.
აღზრდა ბებიების გარეშე
ინგლისელ ბებია-ბაბუებს უყვართ თავიანთი შვილიშვილები, მხოლოდ მათთან ახლოს არ არიან. მათი მონაწილეობა შვილიშვილების აღზრდაში მხოლოდ დასვენების დღეებში შეხვედრებით შემოიფარგლება.
ცხოვრება წესების დაცვით
არსებობს წესები, რომლებიც არ უნდადაარღვიოს ბავშვმა. მაგ: ინგლისელი დედა დარწმუნებულია, რომ მისი შვილი დაუკითხავად არ გადავა გადასასვლელზე. თუ გაიქცა, დედა არ გაეკიდება ყვირილით, გაჩერდი, გაჩერდიო. ის დარწმუნებულია, რომ ბავშვი გადასასვლელთან გაჩერდება და დედას დაელოდება.
თვითგამოხატვის უფლება
თუ ინგლისელი ბავშვი სახლიდან ბეთმენის ან ფიფქიას ფორმით გამოვიდა, მშობლები არ ჩაერევიან მის არჩევანში. საქმე იმაში კი არ არის, რომ მშობლებს არ შეუძლიათ გამოაცვლევინონ ტანსაცმელი, უბრალოდ ვერ ხედავენ ამაში პრობლემას, არც მეზობლებისა და ბებიების აზრი აინტერესებთ
კომენტარები: