კვლევების მიხედვით, რომელ ქვეყნებში ცხოვრობენ ყველაზე ბედნიერი ბავშვები?..

სამყარო ბავშვისთვის დაბადებისთანავე არის ფერადი და ჯადოსნური, უფროსები კი ცდილობენ, მათ ცხოვრება კიდევ უფრო გაულამაზონ.

გაეროს ბავშვთა ფონდმა მსოფლიოს 29 ქვეყანაში ჩაატარა კვლევა, რათა გაერკვიათ, სად ცხოვრობენ ყველაზე ბედნიერი ბავშვები. გაირკვა 5 ქვეყანა, რომელიც ბავშვებისთვის ნამდვილი სამოთხეა დედამიწაზე.

კვლევების თანახმად, ჰოლანდიაში ბავშვების ბედნიერებისთვის ყველაზე მეტად ზრუნავენ. თავად – ახალგაზრდა ოჯახების ბედნიერებისთვის კი ქვეყანაში დამსაქმებლები, სხვადასხვა სოციალური სამსახური და მთავრობა ყველაფერს აკეთებს.

ჰოლანდიაში ბავშვის დაბადების შემდეგ მშობელს არა მხოლოდ დეკრეტული შვებულების აღების საშუალება აქვს, არამედ, შეუძლია, არასრული სამუშაო გრაფიკით იმუშაოს მანამ, სანამ ბავშვი 4 წლის გახდება. დამსაქმებელს მისთვის უარის თქმის, ანდა სამსახურიდან გაშვების უფლება არ აქვს.

შესაბამისად, ბავშვებს აქვთ საშუალება, დაბადებიდან მშობლებთან ერთად იყვნენ ყოველდღიურად.

ამასთან, ქვეყანაში ბავშვის სურვილებს მშობლები ყოველთვის ითვალისწინებენ – მაშინაც კი, როდესაც მათი შვილი ჯერ კიდევ ძალიან პატარაა.

ფინეთში ბავშვის ემოციურ განვითარებას ძალიან დიდი ყურადღებითა და სიფრთხილით უდგებიან. ფინელები არ ეთანხმებიან მოსაზრებას, რომ ადამიანი შეცდომებზე სწავლობს, ან წარუმატებლობა ვინმეს აძლიერებს.

ბელგიაში ვერასოდეს გაიგებთ დედის ან ბებიის ყვირილსა და მითითებებს : „ნუ დარბიხარ გუბეებში, თორემ ფეხები დაგისველდება!“ „არ ჭამო თოვლი, გაცივდები!“ ბავშვები ბელგიაში არიან აბსოლუტურად დამოუკიდებლები, გადაწყვეტილებებს იღებენ თავად.

ნორვეგია ლიდერია იმ ქვეყნებს შორის, სადაც დედობისთვის და ბავშვის გაზრდისთვის სახელმწიფო საუკეთესო პირობებს ქმნის.

ქვეყანაში არა მხოლოდ გამორიცხავენ აღზრდისას ყოველგვარ სიმკაცრეს, არამედ გოგონებსა და ბიჭებს საერთოდ არ ყოფენ ერთმანეთისგან. ბედნიერი ნორვეგიელი ბავშვები თამაშობენ ისე, როგორც სურთ და ვერც კი აწრმოიდგენენ, რომ სადღაც მათ თანატოლებს მოუწოდებენ – მოიქცნენ ისე, როგორც ნამდვილ მამაკაცს შეეფერება, ან  –  ბიჭური თამაშები გოგონების საქმე არ არის.