მსახიობის, სცენარისტის, ყველაზე პოპულარული ქართული ანიმაციის შემქმნელის და რეჟისორის, გიორგი მარშანიას პოსტს სოციალურ ქსელში დიდი გამოხმაურება მოჰყვა. გიორგიმ რამოდენიმე დღის წინ თავის ფეისბუქ გვერდზე ჟოზეს მომღერალი სათამაშოს ვიდეო გამოაქვეყნა. ფუმფულა ჟოზეს შექმნის იდეა უკვე განხორციელდა და მთელი საქართველო მის მოლოდინშია.
გულშემატკივრების კომენტარები: ” სად იყიდება გვითხარით, ჩემი 6 თვის ბავშვი გიჟდება და აკანკალებს ჟოზეზე. ეხლაც ჟოზეს ვუსმენთ … აუუ ლევანი გადაირევა, როდიდან გაიყიდება და სად?… აიფონივითაა ხო, ჯერ არ გამოსულა და უკვე გაყიდულია…მინდაა”
chicbebemagazine დაუკავშირდა გიორგი მარშანიას.
გიორგი, ყველას, მთელ საქართველოს აინტერესებს როდის, სად გაიყიდება ჟოზეს სათამაშო და რა იქნება ფასი?
8 თვეა მოლაპარაკება მიმდინარეობს და მიხარია, რომ საბოლოოდ საახალწოდ გამოგვივიდა ასეთი სასიხარულო სიახლის დაგეგმვა. 7 დეკემბერს იქნება ჟოზეს მომღერალი სათამაშოს პრეზენტაცია. ვფიქრობ ძალიან კარგი გამოვიდა, ხარისხიანია რაც მთავარია. მოსალმებით იწყებს ურთიერთობას პატარებთან და მათთვის ყველაზე საყვარელ, 5 სიმღერას მღერის.
7 დეკემბრიდან გაიყიდება, მხოლოდ მაღაზიათა ქსელ “პეპელაში” რათქმაუნდა მთელი საქართველოს მასტაბით. ვინაიდან პირველია და ჩვენთვის საცდელი, შეზღუდული რაოდენობითაა დამზადებული. ვიმედოვნებთ რომ დაინტერესება დიდი იქნება, რაც თავის მხრივ ხელს შეუწყობს კიდევ უფრო მრავალფეროვანი ჟოზეს სათამაშოების დამზადებას, მალევე. ფასს რაც შეეხება ჯერ არ დაგვიზუსტებია, ეს და სხვა დეტალები 7 დეკემბერს გახდება ცნობილი და თოვლის ბაბუების ამოცანაც გაადვილდება.
კომენტარები: