მსოფლიო აქტიურად აღნიშნავს სხვადასხვა დღესასწაულებსა და ფესტივალებს. ხოლო ყოველ 31 ოქტომბერს, ღამის 12 საათის შემდეგ ჰელოუინი აღინიშნება. “ჰელოუინი” არ არის უბრალოდ ღამე, როდესაც ბავშვები სხვადასხვა კოსტიუმში გამოწყობილები დადიან და აგროვებენ ტკბილეულს. ამიტომაც ძალიან უყვართ ეს დღე. “ჰელოუინი” ამერიკელების ყველაზე საყვარელი შემოდგომის სახალხო დღესასწაულია.
“ჰელოუინი” – ერთ-ერთი უძველესი დღესასწაულია მსოფლიოში. მისი ისტორია ათასწლეულებს ითვლის. საწყისს კი კელტური ფესტივალი “სამჰეინიდან” და ქრისტიანული “ყველა წმინდანის დღიდან” იღებს.
ამ უძველესი დღესასწაულიდან დღეისათვის მხოლოდ სახალისო გასართობი ტრადიციები შემორჩა. ყოველი 1-ლი ნოემბრის ღამეს კარნავალი ეწყობა, სადაც ადამიანები სხვადასხვა უწმინდური არსების კოსტიუმებს იცვამენ. ამ გართობის მიღმა “ჰელოუინის” უძველესი არსი იმალება.
“ჰელოუინის” ღამეს ჩვენსა და იმქვეყნიურ სამყაროს შორის ყველანაირი ბარიერი ირღვეოდა, იღებოდა ჭიშკარი ორ სამყაროს შორის. ასე რომ, “ჰელოუინი” ასევე იყო მცდელობა ამ ორი სამყაროს კავშირის გაგებისა. “ჰელოუინის” ღამე არის გადასასვლელი ერთი სამყაროდან მეორეში; კარიბჭე – ზამთარში, ცივ სამყაროში გადასასვლელად, სადაც ყველაფერი ცოცხალი კვდება, მაგრამ ამავდროულად, ემზადება აღორძინებისათვის. თავისუფლდება ყველაფერი ზედმეტისაგან, როგორც ხე ფოთლებისაგან.
გოგრის თავი – “ჰელოუინის” აუცილებელი ატრიბუტია. გოგრა თავისუფლდება შიგთავსისაგან და გამოიჭრება სახე, ხოლო შიგნით იდება სანთელი. გოგრა ერთდროულად სიმბოლიზდება მოსავლის აღების დასრულებასთან და ბოროტი სულების დაფრთხობასთან.
კომენტარები: