“ღიმილის ფერებით მოვიდა და დედის სურნელი მომიტანა” შიკ ბებეს კონკურსში გზავნილი დედას..

შიკ ბებემ დედის დღესთან დაკავშირებით კონკურსი დაიწყო.
კონკურსის ფარგლებში, პოსტის კომენტარში უნდა მიწეროთ დედაზე რაიმე, ორიგინალური, გულწრფელი, საინტერესო. გამოაგზავნოთ ფოტო, თქვენი ან შვილ(ებ)თან ერთად. გამარჯვებულებისთვის საჩუქრებად კი, ბრიტანული ბრენდი – დელფი კოსმეტიკის ვაუჩერები და კოსმეტიკა გახლავთ.
კონკურსი მოქმედებს ნებისმიერი ასაკის მონაწილეებისთვის. მთავარია გულით მიუძღვნათ.. 

ანუ კის წერილი დედას..

დღეს მარტის ცა მეტია…დღეს მეც დიდი ვარ…დღეს მეც ბევრი ვარ, იმიტომ რომ შენ ხარ ყველა სიყვარულზე მეტი…
ღმერთო, რა სითბო და მადლი აქვს ამ დღეს?!!! ღიმილის ფერებით მოვიდა და დედის სურნელი მომიტანა. გაზაფხულიც ხომ შენ მოგყავს დედი; გაზაფხულიც ხომ შენით ყვავილობს;
ია-იებს მოგიძღვნი ჩემო დედიკო. ამ დღის მოსალოცად იასამანიც აყვავდა დე…ისინიც დედასავით სიყვარულით იბადებიან და მერე სულ უყვართ და უყვართ… სულ ვფიქრობ, გაზაფხული დედითაა ასე თავხედურად ტურფა, ასე თავხედურად კეკლუცი. ამ სილამაზეს ბუნებაც ფეხზე წამოუდგა დედი… დედის უღალატო გულს მთელი გაზაფხული უჩოქებს დე… ერთ დროს გაზაფხულიც ჭკნება. მხოლოდ დედაა ის მარადიული გაზაფხული ,შვილის გულში რომ მუდამ ყვავილობს. უთვალავჯერ იგაზაფხულე დედი. შენ ყველა გაზაფხულს უხდები… შენს იქით, არ მჯერა სხვა სიმშვიდის, სხვა გაზაფხულის…
ყველა დედიკოს ვულოცავ დედის დღეს! ყველა დედიკო ცოცხლობდეს მუდამ, რადგან უდედოდ ყველა გაზაფხული მოკვდება დე…