“ჟირაფი ჟოზე”– ის ქართული პროდუქტია, რომელმაც დიდს თუ პატარას, თანაბრად შეაყვარა თავი. გარდა ანიმაციური სერიებისა, მას უკვე საკუთარი ბიბლიოთეკა აქვს. ასევე წინა სეზონზე “ჯირაფი ჟოზემ” სხვადასხვა კონცერტი თუ სპექტაკლი მოაწყო ბავშვებისთვის. თუმცა ახალ სეზონზე კრეატიული გუნდი კიდევ უფრო საინტერესო სიახლეებს გვთავაზობს. chicbebemagazine -ს კვლავ ექსკლუზიურად ესაუბრა– გიორგი მარშანია, პროექტ “ჟირაფი ჟოზეს” შემქმნელს და სტუდია „ველოსიპედის“ თანადამფუძნებელს ..
რას უნდა ელოდოს ახალ სეზონზე მაყურებელი, რა სიახლეებს პირდებით პატარებს?
სიახლე ძალიან ბევრია. სერიებში არის ცვლილებები, ჟოზეს ტანისამოსი ჩავაცვით, ასევე ყველა მის მეგობარ გმირს. მათ მათთვის დამახასიათებელი ტანსაცმელი ეცმევათ. ამას გარდა სიმღებთან ერთად იქნება სიუჟეტები, უგრო კარგად ალაპარაკდებიან და გამოიკვეთებიან ყველასათვის საყვარელი გმირები. ეს პერსონაჟებია, ჟოზეფინა (რომელსაც მსახიობი ანა ზამბახიძე ახმოვანებს) სპილო სახელად პიო,(ახმოვანებს კახა გოგიძე) კურდღელი დუდუნა, (სოფო მეძმარიაშვილი) მაიმუნი სახელად მამინი,(დუტა სხირტლაძე) ვფიქრობ ამ პერსონაჟების გააქტიურებით, მაყურებელს ისინიც ისევე შეუყვარდებათ როგორც თავად ჟოზე. ასევე გვყავს პერსონაჟები რომლებიც კვლავ უხმოდ მიიღებენ მონაწილეობას, ჩიჩი, საყვარელი ჩიჩილაკი და ციყვები. სერიების გარდა გვექნება ახალი რუბრიკაც, თავად ჟოზეს მონაწილეობით, სადაც ის სასარგებლო რჩევებს მისცემს პატარებს.
როგორი ფორმატით იქნება “ჟირაფი ჟოზეს” სერიებთან ერთად სიუჟეტები?
ეს იქნება, 2–3 წუთიანი სიუჟეტები სადაც ჟოზე ბავშვებს დაეხმარება სხვადასხვა პრობლემის მოგვარებაში. ეს რუბრიკაც მიმართული იქნება ბავშვის განათლებისა და განვითარებისთვის. ეს სიახლე სექტემბრიდან ელოდება ერთგულ მაყურებელს. ვფიქრობ ძალიან საინტერესო იქნება. გარდა იუთუბ არხისა სიუჟეტები ტელესივრცეშიც მოხვდება. თუ რომელ არხზე, ჯერ არვიცი, სურვილი რამოდენიმემ გამოთქვა და შევჯერდებით. სექტემბრიდან ჟოზეს ხატვის გაკვეთილებიც გაგრძელდება. ფერად-ფერად და გენიალურ სიმღერებს კვლავ მიშა ცინცაძე და რეზო ბლიაძე ქმნიან.
უკვე ვიხილეთ ჟოზეს უსაყვარლესი წიგნები, ამ მიმართულებითაც მრავალფეროვნება გექნებათ?
ჩვენ 15 სახეობის წიგნი გამოვუშვით გამომცემლობა ზებრასთან ერთად. ყველა მათგანი უმაღლესი ხარისხის ფურცლებით. სათამაშოს ფორმის, შემეცნებითი,სხვადახვა თემატიკის ალბომები, ზღაპრები. გასაფერადებელი და სახატავი რვეულები. წიგნი აუცილებელია ბავშვის განვითარებისთვის და ჟოზეს ამ მიმართულებით უკვე ბიბლიოთეკა დაუგროვდა. ამ მხრივ მშობლებს დიდი არჩევანი აქვთ. წიგნები ყველა დიდ მაღაზიათა ქსელში იყიდება.
ამასთან ერთად მზადების დასასრულს უახლოვდება ხშირად მოთხოვნადი ჟოზეს ფუმფულა სათამაშო, რომელიც მღერის და ელაპარაკება ბავშვებს ესეც იქნება ძალიან მალე, ახალ წლამდე.
ახერხებს თუ ვერა “სტუდია ველოსიპედი” ჟოზეს გასართობი ცენტრს გახსნას?
ამ ეტაპზე შეუძლებელია ჩვენი ბიზნესისთვის. გასართობი ცენტრის გახსნას დიდი ინვესტიცია სჭირდება. მაგრამ ჩვენ არც ამ კუთხით შეგვიჩერებია მუშაობა. გავაკეთეთ ჟოზეს უზარმაზარი თოჯინა, რომელიც დაიწყებს პატარების წვეულებებზე სტუმრობას, დაბადების დღეებზე, ზეიმებზე, ბაღებში და სხვა…რაც მთავარია არა მარტო თბილისში, არამედ ყველა დიდ ქალაქში.
შარშან ახალ წელს შიკ ბებე ჯგუფი, ჟოზეს ახალი წლის ღონისძიების პარტნიორი იყო. წელს თუ გვექნება შესაძლებლობა… ხომ არ გადაგიწყვეტიათ რას გეგმავთ საახალწლოდ?
ჩვენ უკვე დავიწყეთ ახალი წლის გრანდიოზულ კონცერტზე ფიქრი. შარშან ჩავატარეთ სპექტაკლი თუმანიშვლის და გორის თეატრში, სადაც ვუმასპინძლეთ 3000-მდე მაყურებელს. დავარიგეთ ბევრი საჩუქარი,ამაში დაგვეხმარა შიკ ბებე და სხვა კომპანიები…წელს კი დიდ კონცერტს სთავაზობს ჟოზე პატარებს, მისი მინი ვერსია უკვე იყოს ლისის ტბაზე,31 მაისს. ეს ფორმატი ძალიან მოეწონა მაყურებელს და ჩვენც გადავწყვიტეთ ამ მიმართულებით დავგეგმილიყავით.
კომენტარები: