“დე, ცოტა კი გამიჭირდა რეალური სამყაროს აღქმა, მაგრამ მადლობა სწორედ იმ ზღაპრისთვის..” შიკ ბებეს კონკურსში გზავნილი დედას..

შიკ ბებემ დედის დღესთან დაკავშირებით კონკურსი დაიწყო.
კონკურსის ფარგლებში, პოსტის კომენტარში უნდა მიწეროთ დედაზე რაიმე, ორიგინალური, გულწრფელი, საინტერესო. გამოაგზავნოთ ფოტო, თქვენი ან შვილ(ებ)თან ერთად. გამარჯვებულებისთვის საჩუქრად ბრიტანული მსოფლიო ბრენდი – დელფი კოსმეტიკის ვაუჩერები და კოსმეტიკა გახლავთ.
კონკურსი მოქმედებს ნებისმიერი ასაკის მონაწილეებისთვის. მთავარია გულით მიუძღვნათ..

კონკურსანტის წერილი დედას…

დედის დღეს გილოცავ დე. მე გამიმართლა, რომ შენი შვილი მქვია. გახსოვს? ჩემი წერილები ბავშვობიდან დღემდე თემებს შეადგენდა, შენზე გაუთავებლად შეიძლება ვწერო, დავხატო, გადავიღო, შენ ხარ იშვიათი ადამიანი, რომელიც ყველას უყვარს, ყველას სწამს მისი, შენი რჩევა დე წამალზე მეტად მარჩენალია და ასე მგონია ბრძენი დაიბადე.

მიყვარხარ, მინდა ხშირად გითხრა ეს სიტყვები და ყველას გავაცნო შენი თავი, მე თუ დღეს რაიმეს წარმოვადგენ, ქალი ვარ, ცოლი ვარ, დედა ვარ ,მეგობარი ვარ და ჩემი პიროვნება გამაჩნია, ეს შენი დამსახურებაა, შენ მასწავლე ნამდვილი ურთიერთობები,სიყვარული და მოთმინება, შენ იმდენად ზღაპრული სამყარო წარმომისახე დე ცოტა კი გამიჭირდა რეალურის აღქმა,მაგრამ მადლობა სწორედ იმ ზღაპრისთვის,რამაც უწყინარ ადამიანად ჩამომაყალიბა და ყველას როლში დადებით სცენარს ვეძებ…მე სულ დაგიწერ შენ სამადლობელ წერილებს, მადლობა უფალს რომ შენი შვილი მქვია ❤️