ბავშვების აღზრდის უცნაური მეთოდები ვარსკვლავებისგან

კიმ კარდაშიანი

რეალითი შოუს ვარსკვლავი კიმ კარდაშიანი გეგმავს თავისი გოგონა ზეადამიანი გაზარდოს. რამდენიმე წლის წინგამოქვეყნდა 2 წლის ნორტის კვირის განრიგი. აღმოჩნდა, რომ 2 წლის ბავშვს პრაქტიკულად არ ჰქონდა თავისუფალი დრო. გოგონა ძალიან გაღიზიანებული და ხშირად გამოუძინებელი იყო.

ჟიზელ ბიუნდჰენი

სუპერმოდელი ჟიზელ ბიუნდჰენიც გამოირჩევა განსხვავებული დამოკიდებულებით ბავშვების აღზრდისადმი. შვილის დაბადებისას ყველა გააოცა, როცა უარი განაცხადა პამპერსზე. ძირითადი მიზეზი პამპერსის უარყოფისა ეკოლოგიაზე ზრუნვა იყო. სამაგიეროდ, ჟიზელის სიტყვებით, მისი 6 თვის შვილი უკვე ითხოვდა ღამის ქოთანზე დაჯდომას. ამის მისაღწევად მას დიდი მოთმინება და ძალისხმევა დასჭირდა. 

ანჯელინა ჯოლი

სულ ახლახან ანჯელინა სამაგალითო დედად მიიჩნეოდა. თუმცა, ბრედ პიტთან განქორწინების შემდეგ პრესაში გამოჩნდა ანჯელინას აღზრდის შესახებ ისეთი დეტალები, რაც ადრე უცნობი იყო საზოგადოებისათვის. ძიძამ მოყვა, რომ ბავშვები სრული თავისუფლების პირობებში იზრდებოდნენ. მათ არაფერს უშლიდნენ. მაგალითად, ბიჭები – პაქსი და მედოკსი გამუდმებით ანჯელინას დანების კოლექციით თამაშობდნენ. გარდა ამისა, ანჯელინას შვილები არ დადიოდნენ სკოლაში. მათთან სახლში მოდიოდნენ რეპეტიტორები. თუ ბავშვებიდან რომელიმე არ იყო მეცადინეობის ხასიათზე, დედა სხვა დროისთვის იბარებდა მასწავლებელს. სასწავლო დისციპლინების არჩევანის უფლებაც თავისუფალი ჰქონდათ. გინდა მათემატიკის სწავლა? – კი ბატონო. არ გინდა? – ნუ ისწავლი… არც სწრაფი კვების პროდუქტზე ჰქონდათ არანაირი შეზღუდვა.