არჩილ მარშანია – ვაქცინების შესახებ..”აშშ-ი პირველი ტეტანუსის შემთხვევა დაფიქსირდა”

ექიმი, რეანიმატოლოგ-ანესთეზიოლოგი არჩილ მარშანია Facebook-ის პირად გვერდზე სტატუსს აქვეყნებს:

ტეტანუსი სიცოცხლისთვის საშიში მწვავე ინფექციური დაავადებაა, რასაც ახასიათებს კუნთების რიგიდობა და გაუსაძლისი ტკივილები, პაციენტი რეალურად კვდება ტანჯვით.

ამ საშინელი დაავადების კონტროლი კაცობრიობამ შეძლო ტეტანუსის საწინააღმდეგო ვაქცინის შექმნით, რომელიც უსაფრთხოა და თითქმის 100%-ანი ეფექტურობით გამოირჩევა.

თუმცა აბსურდულ, არაკომპეტენტურ, ალოგიკურ მსჯელობებზე და ბოდვებზე დაფუძნებული, მავნებლური ანტივაქსერული მოძრაობის შედეგად არავაქცინირებული ანუ დაუცველი ბავშვების რიცხვი გაიზარდა და ამის შედეგად ბოლო 30 წლის განმავლობაში აშშ-ი პირველი ტეტანუსის შემთხვევა დაფიქსირდა.

პაციენტი 6 წლის ბიჭი;
დიაგნოზი: ტეტანუსი;
მკურნალობის ხანგრძლივობა 57 დღე;
მკურნალობის ხარჯი: 800 000$.

მიუხედავად იმისა რომ 57 დღე ბავშვმა სრულ კოშმარში და ტანჯვაში გაატარა და ბეწვზე გადაურჩა სიკვდილს, მშობლები მაინც უარს ამბობენ ვაქცინაზე.