ახდენს თუ არა ზეგავლენას ულტრაბგერითი კვლევა ნაყოფის ჯანმრთელობაზე?

 სამედიცინო პროცედურებს, ულტრაბგერით კვლევასაც ახლავს გარკვეული რისკები, როგორიცაა არასწორი დიაგნოსტიკა და შესაძლო ნეგატიური ზეგავლენა ნაყოფზე.

არ არსებობს არც ერთი დამადასტურებელი ფაქტი, რომლითაც ოფიციალურად დასტურდება ულტრაბგერითი კვლევის უარყოფითი ზეგავლენა დედაზე ან ნაყოფზე. ულტრაბგერა – ეს ენერგიის ფორმაა, რომელიც მოქმედებს იმ ქსოვილზე, რომელშიც გაივლის. ამავდროულად, ემბრიონული ულტრაბგერითი გამოკვლევა მონაცემებს იძლევა იმის შესახებ, რომ ნაყოფი ნორმალურად ვითარდება. ეს ოპტიმალური საშუალებაა ორსულობის მიმდინარეობის შესახებ ინფორმაციის მისაღებად. აი, რა უპირატესობა გააჩნია ამ მეთოდს:

1.ხდება ფეხმძიმობის ვადების და მშობარობის თარიღის დადგენა.

2.მოწმდება, არის თუ არა საშვილოსნოსგარე ორსულობა.

3.ხდება ბავშვის სქესის და ნაყოფის რაოდენობის გაგება.

4.ხდება პათოლოგიების აღმოჩენა ადრეული განვითარების ეტაპზე.

5.ფასდება ნაყოფის ზრდის სისწრაფე.

6.ხდება პლაცენტის და სანაყოფე წყლების გამოკვლევა.

7.ხდება დეფექტებისა და საშიში გენეტიკური დაავადებების გამოვლენა.

8.ხდება მოსალოდნელი გართულებების დიაგნოსტირება.

9.ხდება ნაყოფის მდებარეობის განსაზღვრა.

დიაგნოსტიკის პროცესში მაღალი სიხშირის ტალღები დედის ქსოვილებში და სანაყოფე წყლებში გაივლიან და ნაყოფის ჩონჩხსა და შინაგან ორგანოებზე აირეკლებიან. როგორც ზოგიერთი მკვლევარი აცხადებს, ამ დროს ნაყოფის გულისცემა იმატებს. ის მძაფრად რეაგირებს და ცდილობს, თავი დაიცვას გამოსხივებისგან.

ექიმები ამტკიცებენ, რომ კვლევებით მიღებული შედეგები არაა საკმარისი იმისთვის, რომ ულტრაბგერითი კვლევა სრულიად უსაფრთხო ან პირიქით – საშიშ პროცედურად ჩაითვალოს. რეალურად, მხოლოდ ერთი რამაა დამტკიცებული:ულტრაბგერას შეუძლია მექანიკური და სითბური ზემოქმედება მოახდინოს ადამიანის ქსოვილებზე ( მათ შორის ბავშვის). თუმცა, ამ პროცედურის გონივრულად გამოყენება არც დედას შეუქმნის საფრთეს და არც ნაყოფს.